1 мартта Буа мөхтәсибәте мәчетләр арасында чаңгы ярышы уздырды. Өйлә намазыннан соң мәхәлләләр тупланып, чаңгычылар җыелды. Фәһим хәзрәт Сөләйманов бу чараны ачып җибәрде. Мөхтәсибәттә спорт өчен җаваплы булган Марсель Салаватуллин көн тәртибе һәм кагыйдәләр белән таныштырып китте. Катнашучы мәчетләр бишәр кеше туплап эстафета (1,5 км) һәм масстарт (3 км) ярыштылар. Нәтиҗә ясалгач, урыннар билгеләнде.
Эстафета буенча:
1 урын - Иске Суыксу авылы мәчете,
2 урын - “Госман” мәчете,
3 урын - “Әниләр” мәчете.
Масстарт буенча:
1 урын – Ислам Гайнуллин (Иске Суыксу авылы)
2 урын –Сыраев Марат (Карлы авылы)
3 урын – Гайнутдинов Фәнис (Иске Суыксу авылы)
Җиңүчеләргә мөхтәсибәт исеменнән сертификатлар, мактау грамоталары тапшырылды. Барлык катнашучылар Гөлсинә ханым Сөләйманова тәмле итеп пешергән кайнар ботка белән сыйланып, чәй эчтеләр. Бу чараны оештыручыларга: имам-мөхтәсиб Илмир хәзрәткә, Марсель Салаватуллинга, Фәһим хәзрәткә рәхмәтләрен җиткерделәр. Мондый спорт чаралары районыбызда ел дәвамында үткәрелә.
