Бөгелмә шәһәре һәм Бөгелмә районы мөхтәсибәте теләге булган һәркемне “Ислам нигезләре” курсларына чакыра.
Мәчет каршындагы курсларның беренче җыелышы 27 сентябрь (якшәмбе) көнне 10.00 сәгатьтә Бөгелмә шәһәренең Үзәк мәчетендә узачак.
“Ислам нигезләре”н өйрәнү буенча мәчет каршындагы курслар кысаларында ир-атлар һәм хатын-кызлар төркемнәре төзеләчәк.
Дәресләр ТР Диния нәзарәте раслаган программа буенча квалификацияле мөгаллимнәр тарафыннан алып барылачак.
Курсларда ислам нигезләрен, гарәп телен һәм Коръән уку кагыйдәләрен өйрәтәчәкләр. Уку бушлай. Тулырак мәгълүматны 8-939-736-14-61, 4-16-98 телефоннары буенча алырга мөмкин.
