Бүген, Рабигуль әүвәл аеның 13 нче көнендә (30 нчы октябрь), Татарстан мөфтиятенең Чистай районы мөхтәсибәте 4 нче ноябрь - Халыклар бердәмлеге көненә багышланган чара үткәрде. Чистай шәһәренең Ислам үзәгендә узган «Безгә нәфрәт һәм ксенофобия белән бергә түгел» дип исемләнгән «түгәрәк өстәл» артына хакимият органнары, иҗтимагый оешмалар, төрле милләтләр һәм конфессияләр вәкилләре җыелды.
Чистай районы мөхтәсибе Мөхәммәд Кыямов хәбәр иткәнчә, «түгәрәк өстәл» артында халыклар дуслыгы, толерантлык, милләтара һәм конфессияара татулык турында сүз барды. «Түгәрәк өстәл» нәтиҗәләре буенча резолюция кабул ителде, аның буенча мондый чараларны кварталга бер тапкыр үткәрү планлаштырыла.
