Имамнарның елны тәмамлау җыелышы 30 декабрь көнне “Әбү Хәнифә” мәчетендә үткәрелде. Ул имам-мөхтәсиб Илмир хәзрәт Хәсәнов, авыл һәм шәһәр имамнары катнашында үтте. Җыелышны Илмир хәзрәт ачып җибәрде.
Рөстәм хәзрәт Хәйбуллин районыбызда дәгъвәт эшләре алып барылуы буенча отчет ясады. Фәһим хәзрәт Сөләйманов зиратларыбыз хакында сөйләде. “Әбү Хәнифә” мәчете имамы Шамил хәзрәт Вәлиуллин мәчетнең эшчәнлеге белән таныштырды. Килгән имамнарга төзелеш барганда акчалата ярдәм күрсәткән өчен рәхмәтләрен җиткерде һәм әзер табын артына кунакларын дәште. Имамнарга мөхтәсибәтнең ноябрь аеның видеожурналы күрсәтелде. Өйлә җитәр алдыннан хәзрәтләр гыйнвар аена намаз вакытлары, мөхтәсибәт тарафыннан әзерләнгән Буа шәһәре мәчетләре сурәтләнгән 2021 елның календарен алып, мәхәлләләренә таралышты.
