Бүген Әгерҗе шәһәрендә район имамнары җыелышы узды.
– Имамнар җыелышында каралачак төп мәсьәлә быелның апрель аенда сайланачак мөфти вазифасына кандидатлар тәкъдим итү иде, – диде район имам-мөхтәсибе Габделкәрим хәзрәт Гыйззәтуллин.
Утырышта башка мәсьәләләр дә каралды. Ведомстводан тыш сак хезмәте вәкилләре мәчетләргә куркынычсызлык паспортларын ясату хакында бәян иттеләр.
15 ел дәвамында Көчек авылы мәчете имамы вазифасын башкарган Госман хәзрәт Рәсүлевка Татарстан мөфтие Камил хәзрәт Сәмигуллинның Рәхмәт хаты тапшырылды. Киләчәктә бу мәхәлләдә имам вазифасын Рәшит хәзрәт Галләмов башкарачак.
Имамнарга Татарстан мөфтияте тарафыннан әзерләнгән “Кәлам Шәриф. Мәгънәви тәрҗемә” басмасы таратылды.
Утырышта район башлыгы урынбасары Ришат Нурисламов катнашты.
