Гыйнвар аенда Буа мөхтәсибәтенең яшьләр бүлеге Җимлекләр ясау конкурсы игълан иткән иде.
7-нче февраль көнне Буа мәдрәсәсендә район мөхтәсибәте тарафыннан игълан ителгән җимлекләр ясау конкурсына йомгак ясалды. Бәйгедә 27 эш катнашты.
Җиңүчеләрнең исемнәрен атаганчы Буа муниципаль районы башлыгы Ранис Камәртдинов сәламләде. Ул бу чарага уллары белән әти буларак килгән иде. Аннан район мөхтәсибе Илмир хәзрәт Хәсәнов бу конкурсның мөһимлеген аңлатып китте.
Чыгышлардан соң җиңүчеләрнең исемнәрен атадылар. Алар түбәндәгеләр.
Беренче урын – 5-нче гимназия укучысы Сөнгатов Салават.
Икенче урын - 2-нче лицей укучысы Хәсәнова Илнара.
Өченче урын – Килдураз авылыннан Гомәрова Әдилә.
Барысына да мактау кәгазьләре һәм истәлекле бүләкләр бирелде.
