Буа мөхтәсибәте базасында, Туган телләр һәм халыклар бердәмлеге елына багышлап, Буа мәдрәсәсе шәкертләре арасында ирекле көрәш буенча ярышлар узды. Ярышлар Буа муниципаль районы башлыгы Ранис Камартдинов башлангычы белән уздырылды, җиңүчеләргә бүләкләр тапшырылды.
Шәкертләр район башлыгына көрәш залы булдырганы өчен зур рәхмәтләрен белдерде. Бу аларның күптәнге хыялы иде, хәзер алар ярышларны үзара да, башка шәкертләр белән дә үткәрә алалар, дип билгеләп үттеләр.
Искә төшереп үтик, Буа мәдрәсәсендә күптән түгел генә район башлыгы ярдәме белән мәдрәсә шәкертләре һәм өстәмә белем бирү укучылары өчен көрәш залы булдырылды.
Шулай ук Буа мөхтәсибәте базасында ифтар мәҗлесе узды, аны район башлыгы оештырды.
