12нче март көнне Баулы шәһәрендә Татарстанның көньяк-көнчыгыш казыяте вәкилләре һәм Әлмәт командасы катнашында волейбол турниры узды. Әлеге турнирны быел Баулы мөхтәсибәте сигезенче тапкыр оештырды. Турнирда 7 команда катнашты. Спорт ярышы Идел буе Болгар дәүләтендә Ислам дине кабул ителүнең 1100 еллыгына багышлап үткәрелде. Турнирда беренче урынны – Әлмәт, икенче урынны – Баулы, өченче урынны Бөгелмә шәһәре командасы яулады. Быелгы турнирда Баулы, Урыссу, Азнакай, Бөгелмә, Лениногорск һәм Әлмәт командалары катнашты. Әлеге чараны Баулы мөхтәсибәте район хакимияте белән бергәлектә үткәрде.
