1нче апрель көнне Чистайда мәчет каршында укучы балалар өчен “Хуш киләсең, Рамазан” исемле изге айны каршылау кичәсе узды.
Балаларга остазлар кызыклы тематик видеолар күрсәттеләр, квестлар оештырдылар. Ахшам вакыты җитү белән азан тыңлап бергәләп дога кылдылар, Аллаhы Тәгаләгә шушы изге ай өчен, күркәм гамәлләр кылып Аның ризалыгына ирешергә мөмкинлек биргәне өчен чиксез рәхмәтләрен җиткерделәр.
Шуннан соң укучылар бәйрәм уздырдылар: тәмле торт, тәм-томнар белән бергәләшеп чәй эчу, бенгаль утлары, күккә шарлар очыру...
Дуслары, фикердәшләре, яраткан остазлары белән дулкынланып көтеп алган шушы изге айны бергәләшеп каршы алу мөмкинлеге өчен балалар чиксез шат.
Бәйрәмне уздыруда курсәткән ярдәмнәр өчен ата-аналарга, “Чистави” бизнес-клубы вәкилләренә hәм башка иганәчеләргә рәхмәтләребезне җиткәрәбез.
