26 май көнне Буа мәдрәсәсендә шәһәр һәм авыл имамнары белән җыелыш узды.
Җыелышны имам-мөхтәсиб Илмир хәзрәт Хәсәнов башлап җибәрде, имамнарга булган кайбер мәсьәләләрне аңлатып үтте, бергә эш итәргә киңәш итте. Шулай ук хәзрәт имамнарга шәһәдәтнәмәләр тапшырды.
Фәһим хәзрәт Сөләйманов зиярат мәсьәләләре турында аңлатып үтте. Аксакаллар шурасы рәисе, Килдураз авылы мәчете имамы Кадим хәзрәт Мөбарәкшин үзенең чыгышында Казан шәһәрендә 14 май көнне “Кол Шәриф” мәчетендә узган Аксакаллар җыелышында каралган кайбер мәсьәләләр белән таныштырып узды. Чара догалар кылып тәмамланды.
