1нче июньнән Мамадыш мәдрәсәсе каршында балалар өчен рухи-сәламәтләндерү курсларының беренче төркеме башланды. Мәдрәсә мөгаллимнәре 10 көнлек программа барышында гакыйдә нигезләре, кайбер пәйгамбәрләр тормышыннан вакыйгалар, Аллаһның Китабы, ислам әдәбе белән таныштырачак, сүрәләр, догалар, зикерләр өйрәтәчәк. Балаларны ачык һавада күңелле уеннар, спорт чаралары, мастер-класслар, викториналар, конкурслар, квестлар, экскурсияләр көтә. Җәйге курсларның төп максатларының берсе булып – балаларның иҗади сәләтләрен арттыру тора.
Курсларны оештыруда ярдәм күрсәткәне өчен Мамадыш мәдрәсәсе җитәкчелеге Казанның ислам кабул ителүгә 1000-еллык мәдрәсәсе директоры Ильяс хәзрәт Җиһаншинга белдерә. Әлеге мәдрәсәнең шәкертләре Ислам Шәфиков һәм Инсаф Гәрәев курсларда тәрбияче хезмәтен кыла.
