Буа Сабантуенда яшьләр арасында баш батыр булып Ислам Сәетморатов калды. Буа мәдрәсәсенең икенче курс шәкерте бу уңышка инде икенче тапкыр иреште. Район башлыгы Ранис Камартдинов яшь көрәшчене зур җиңүе белән котлап, аны бүләкләде һәм егетнең җилкәсенә тәкә салдылар, шулай ук якташыбыз Ирек Фәттахов та акчалата сертификат тапшырды.
Бу көнне иртәнге якта Ислам Сәетморатов Яңа Тинчәле авылы Сабантуенда да яшьләр арасында көрәш буенча җиңү яулады.
