19нчы август көнне Буа районы Түбән Наратбаш авылы мәчетенә 30 ел тулу уңаеннан тантаналы чара узды.
Әлеге вакыйгада Татарстанның көньяк-көнбатыш төбәге казые Инсаф хәзрәт Җамалетдинов, Буа районы имам-мөхтәсибе Илмир хәзрәт Хәсәнов, Түбән Наратбаш авылы мәчете имамы Рөстәм хәзрәт Баһаветдинов, авыл халкы, килгән кунаклар катнашты.
Рөстәм хәзрәт авыл мәчетенең кыскача тарихын сөйләп үтте, мәчеткә даими рәвештә ярдәм итүчеләргә рәхмәт хатлары тапшырды. Инсаф хәзрәт үзенең чыгышында Буа мөселманнарының тырыш, дини булуын азсызыклап үтте. Илмир хәзрәт Наратбаш халкын тәбрикләп бердәм булырга чакырды, Рөстәм хәзрәткә һәм янып-көеп йөрүче Гөлгенә абыстай Сәлаховага мөхтәсибәт исеменнән рәхмәт хатлары тапшырды.
