Бүген Спасс районы мөхтәсибе Фәрхад хәзрәт Сәгыйров Болгар шәһәре Мәдәният йортында махсус хәрбия операция зонасында хезмәт итүчеләргә ярдәм йөзеннән маскировка челтәрләре үрүчеләр белән очрашты. Хәрбиләр һәм аларга булышлык күрсәтүче ханымнар исәнлегенә дога кылды.
Болгар Мәдәният йортындагы әлеге эшчәнлек шәһәрнең Ветераннар советы рәисе Татьяна Бурумова һәм советның президиум әгъзасы Әнисә Әхмәдишева җитәкчелегендә алып барыла. Болгарда махсус челтәрләр үрү белән 23 пенсионер ханым шөгыльләнә. Янмый торган материал Санкт-Петербург шәһәреннән кайтартылган.
Спасс районы җирлеге авылларында һәм Болгар шәһәрендә бу эш кыш айларыннан бирле алып барыла. Махсус хәрбия операция зонасына барлыгы 23 маскировка челтәре озатылган.
