29нчы август көнне район авыл имамнары тарафыннан җыеп китергән беренче макулатура кабул ителде. Яңа Чүпрәле мәхәлләсе тарафыннан гына да 536 кг макулатура китерелде.
Район имам-мөхтәсибе Данир хәзрәт Шәрәфетдинов әйтүенчә, макулатура тапшыру дәвам итәчәк. Җыелган акчалар “Чүпрәле” мәдрәсәсен төзекләндерү өчен тотылачак.
Мәдрәсәне төзекләндерү эшенә ярдәм итәргә теләүчеләр мөхтәсибәтнең оештыру бүлеге җитәкчесе Фәргать Нәүметовка 89372808050 телефон номеры белән мөрәҗәгать итә алалар.
