Чүпрәле районы имам-мөхтәсибе Данир хәзрәт Шәрәфетдинов һәм мөслимәләр берлеге рәисе Энҗия ханым Шәрәфетдинова, мөхтәсибәтнең оештыру бүлеге җитәкчесе Фәргать Нәүметов район мәхәлләләрендә, аерым алганда Иске Чокалы, Иске Кәкерле, Татар Бизнәсе, Кече Чынлы һәм Шланга авыллары мәчетләрендә булып, дин юлында хезмәт куючы имам-хатыйбларны, мөслимә-мөгаллимәләрне Өлкәннәр көне уңаеннан котлап, бүләкләр тараттылар. Башкарган хезмәтләре өчен рәхмәтләр әйттеләр, алга таба да исәнлектә яшәүләрне, дини гыйлем таратуда уңышлар теләделәр.
Очрашу барышында мәчетләрнең кышкы ягулык сезонына әзерлеге, мәчетләр каршында дини укулар башлануы һәм башка күп төрле мәсьәләләр хакында сөйләшү булды.
Бәйрәм уңаеннан чәй табыннары да әзерләнгән иде.
