8 октябрьдә Буа мәдрәсәсенә өлкәннәр декадасы кысаларында Буа мөхтәсибәте белән берлектә өлкән буын вәкилләре җыелды. Җыелышта районның имам-мөхтәсибе Илмир хәзрәт Хәсәнов тәбрикләү сүзләрен ирештерде һәм ислам динендә өлкән кешенең никадәр дәрәҗәле урын алып торганлыгын аңлатты. Мәдрәсә җитәкчесенең уку-укыту буенча урынбасары Радия ханым Халирахманова мәдрәсә эшчәнлеге белән таныштырды, мәчеттә укыткан абыстайларның эшчәнлеге дәвамлы булуын теләде. Районның хатын-кызлар берлеге рәисе Назимә Сөләйманова уку-укыту эшләрендә актив булган мөслимәләрне мөхтәсибәт исеменнән рәхмәт хатлары белән бүләкләде. Чара мул табын артында дәвам итте.
