Рабигыль-ахыр аеның 20нче көнендә (4нче ноябрьдә), Халыклар бердәмлеге көненә багышлап, Лаеш мөхтәсибәте “Якташлык” җәмгыяте белән берлектә янгыннан зыян күргән Горбуновлар гаиләсенә ярдәм итү өмәсе оештырды. Көн дәвамында мөселман кардәшләр янгын нәтиҗәсендә яраксыз хәлгә килгән йортны сүтү эшендә катнашты. 30-дан артык ир-ат өйнең түбәсен сүтте, аннары яраксыз хәлгә килгән бүрәнә, калайларны, кулланып булмый торган йорт җиһазларын йөк машинасына төяде.
Өмә тәмамлангач Лаеш шәһәре мәчетендә өмәдә катнашучылар кайнар аш һәм чәй белән сыйланды.
Лаеш мөхтәсибәте янгыннан зыян күргән гаиләгә ярдәм өмәсендә катнашучыларга рәхмәт белдерә һәм йорт-җирсез калган гаиләгә финанс ярдәм күрсәтү алып барылуы турында искәртә. (Карта номеры: 5469620031827981 Валеев И. Р. исеменә).
