Раҗәб аеның 3нче көнендә (14нче гыйнварда) Татарстанның Баш казые Җәлил хәзрәт Фазлыев Яр Чаллы шәһәренең “Нур-Ихлас” мәчетендә имамнар өчен никах һәм гаилә мөнәсәбәтләренә багышланган дәрес уздырды. Ахшам намазыннан соң башланган чара кичке алтыларга кадәр дәвам итте.
Җәлил хәзрәт дәресне үзенә генә хас кызыклы һәм мавыктыргыч рәвештә, сөйләгәннәрен яшәештән алынган мисаллар белән дәлилләп алып барды. Имамнар, дәрестән бик мәгълүматлы булып, алган белемнәрен гамәлдә кулланырга әзер булып кайтып китте.
Моннан тыш, Җәлил хәзрәт Фазлыев, Фоат хәзрәт Мөхәммәтовка озак еллар дәвамында Яр Чаллы мөхтәсибәтендә динне үстерүгә керткән өлеше өчен рәхмәт белдереп, чапан бүләк итте.
