18нче февраль көнне Буа мөхтәсибәтенең яшьләр бүлеге “Хоккей на валенках” турниры оештырды. Ул Буа районы мәчетләре арасында үтте.
Буа шәһәренең төрле мәхәлләләре, Иске Суыксу, Тәкъва, Әбү Хәнифә, Яңа Чәчкап, Буа мәдрәсәсе командалары бергә тупланып, “Артика” янындагы шугалакта уйнады. Уен бик матур барды. Соңыннан командалар Буа мәдрәсәсендә тәмле кайнар аш белән сыйланды. Шундый матур күркәм чара үткәргән өчен Буа хакимиятенә, яшьләр бүлеге җитәкчесе Илнур Сафиуллинга, яшьләр бүлегендәге активистларга мөхтәсибәт исеменнән олы рәхмәтләребезне җиткерәбез.
