Буа мәдрәсәсендә көндезге бүлектә белем алучы шәкертләр арасында “Ислам белгече” бәйгесе узды. Әлеге интеллектуаль уенда I-III курс шәкертләре дүрт командага бүленеп жюри каршында сынау тотты.
Бәйгенең төп максаты шәкертләрнең мәдрәсәдә алган белемнәрен камилләштерүдән һәм ныгытудан, интеллектуаль мөмкинлекләрен үстерүдән гыйбарәт булды. Укучылар бирелгән биремнәр буенча гарәпчә җөмләләр төзү, җөмләләрдә тәҗвид кагыйдәләрен табу, хәдисләрне дәвам итү, викторина сорауларына җавап бирү, капитаннар ярышы, кроссворд чишү, теоретик белемнәрен тикшерү буенча көч сынашты.
Бәйгедә шәкертләр барлык номинацияләрнең биремнәрен бик тырышып үтәп, барлык сорауларга да җавапларны тулы һәм төгәл бирергә тырышты. Уен нәтиҗәләре буенча шәкертләргә мактау кәгазьләре, истәлекле бүләкләр таратылды.
