3нче март көнне Буа мөхтәсибәте, якынлашып килүче Рамазан аен каршылап, Толымбай урманы янында кышкы спартакиада үткәрде.
Халык иртүк мәйданчыкка килә башлады. Имам-мөхтәсиб Илмир хәзрәт Хәсәнов бәйрәмне ачып җибәрде. Фәһим хәзрәт Сөләйманов килүчеләргә уңышлар теләде. Ир-атларга, хатын-кызларга, балаларга билгеләнгән аерым урыннарда төрле эстафеталар: мәсәлән, балаларга күзне йомып җеп кисү, шар тутыру, куышып йөрү, ир-атларга гер күтәрү, аркан тарту, вакытка йөгереп килү, хатын-кызларга көянтә-чиләк белән кар ташу кебек уеннар оештырылган иде. Шундый күркәм чара үткәргән өчен беренче чиратта хакимият башлыгы Рәнис Камаретдиновка, Буа мөхтәсибе Илмир хәзрәт Хәсәновка, оештыручы Шамил хәзрәт Вәлиуллин һәм аның гаиләсенә, “Юность” спортсарае мөдире Айрат әфәндегә, алып баручы Әхмәдуллин Рөстәм кардәшкә, Измайловлар гаиләсенә, “Пуэр” кафесы хуҗасы Ләйсән ханыма, тренер Искәндәр Ильясовичка һәм матди ярдәм күрсәтүче иганәчеләргә олы рәхмәтләребезне белдерәбез.
Каршылаган Рамазан аебыз гыйбадәттә, изгелек кылып үтсен. Амин.
