4нче декабрь көнне Буа мөхтәсибәте “Хаҗилар” мәчетендә Әниләр бәйрәме оештырды.
Мәчет имамы Фәһим хәзрәт Сөләйманов Әниләр көне белән тәбрикләде. Ислам динендә әниләрнең ролен аңлатып үтте.
Бу бәйрәмне “Хаҗилар” мәхәлләсе абыстае Сөләйманова Гөлсинә ханым алып барды. Ул: “Әниләрне хөрмәт итү ислам динендә зур урын алып тора”, – дип үз чыгышын башлап җибәрде. Әнисә Габделхак кызы бик матур итеп эчтәлекле итеп мәҗлесне башлап җибәрде, Коръән укыды, дога кылды.
Әниләр бәйрәменә әзерләнеп килүче, район һәм авыллардан килгән апаларга сүз бирелде. Алар әниләргә багышлап матур вәгазьләр, мөнәҗәтләр башкардылар.
Сөләйманова Гөлсинә абыстай килүчеләргә үзенең рәхмәтен белдерде. Кунаклар, бик зур рәхмәтләр әйтеп, тагын шулай матур итеп очрашып торырга язсын, дип таралыштылар.
