Бүген, Раҗәб аеның 21нче көнендә (1нче февральдә), Казанның “Гаилә” мәчетендә “Син һәм Мин” дип исемләнгән яңа проект башлана, әлеге чарада 25-35 яшьлек ялгызлар бәхетле гаилә кору өчен таныша алачак. Танышу кичәсе Казан шәһәре, Җәүдәт Фәйзи урамы, 2нче йорт адресы буенча 18:30 сәгатьтә башлана.
Танышу кичәсе барышында катнашучылар “Гаилә” мәчете имам-хатыйбы, “Мөхәммәдия” мәдрәсәсе җитәкчесенең беренче урынбасары Рөстәм хәзрәт Хәйруллиннан ир һәм хатын сайлау буенча үгет-нәсыйхәтләр ишетә алачак.
Катнашучылар өчен гадәти булмаган форматта гаилә тормышы процессында барлыкка килергә мөмкин булган психологик тренинглар һәм ситуацион модуляцияләр, шулай ук проектта катнашучылар өчен бик файдалы булачак “Soft-skills”, “Тәнкыйди фикерләү” һәм “Эмоциональ интеллект” блокларыннан күнегүләр үткәреләчәк.
Язылу өчен телефоннар: 89230346535 Диләрә, 89375273096 Динар.
