7 майда Сахалин утравыннан килгән милләттәшләребез Казан белән танышуны Татарстан Республикасы мөселманнары Диния нәзарәтеннән башлады. Иртә белән аларны мөфти урынбасары Рөстәм хәзрәт Батров һәм Русия мөселман хатын-кызлары оешмасы җитәкчесе Наилә ханым Җиһаншина кабул итте. Сахалин өлкәсендәге мөселманнарның, татар халкының бүгенге халәте белән танышып, сорауларга җавап биргәч, Рөстәм хәзрәт милләттәшләребезгә мөфтиятнең истәлекле бүләкләрен тапшырды.
