Татфондбанк сатуга Хаҗга багышланган көмеш тәнкә чыгарды. Аның дизайны Татарстан мөселманнары Диния нәзарәте белгечләре белән берлектә эшләнде. Алтынланган көмеш турыпочмаклы триптих формасында.
Тәнкәнең бер ягында Мәдинәдәге Ән-Нәбәви мәчете, ә икенче ягында Хаҗның 3 символы урын алган: ябык алтынланган Коръән, Кәгъбатулла һәм ачык алтынланган Коръән. Шулай ук тәнкәдә Әл-Хәрәм мәчете дә бар. Әлеге 999 нчы проба көмештән эшләнгән тәңкәнең тиражы 200 данә, авырлыгы 124,4 г, ә бәясе 35 мең сум тәшкил итә.
