Чаллы имамнары Болгар җыенына һәм рамазанга әзерләнә

19 майда “Нур-Ихлас” мәчетендә Чаллы шәһәре имамнарының чираттагы җыелышы булды. Анда мәчетләр каршында балаларның көндезге лагерьларын оештыруга, Рамазан аена әзерлеккә,  Болгар җыенында катнашуга кагылышлы һәм башка сораулар тикшерелде. Имамнар шулай ук мәчетләрдә балаларга исем кушканда төрле сораулар килеп чыгуы хакында җиткерделәр. Бу мәсьәлә буенча Татарстан Диния нәзарәтенең Голәмәләр шурасы аңлатмасы кирәк булуын искәрттеләр. Голәмәләр шурасы исеменә шул уңайдан мөрәҗәгать әзерләргә карар ителде.