Марат хәзрәт Мәрданшин Уруссу татар гимназиясенең соңгы кыңгырау бәйрәмендә катнашты

Көньяк-көнчыгыш төбәге казые, «Фәнис» мәдрәсәсе директоры Марат хәзрәт Мәрданшин Уруссу татар гимназиясенең соңгы кыңгырау бәйрәмендә катнашты. Быел гимназияне тәмамлаучылар арасында “Фәнис” мәдрәсәсендә белем алучы шәкертләр дә бар. Тантаналы чарада тәбрикләү сүзләрен район башлыгы Рөстәм Нуриев, гимназия директоры Гөлдәния Билалова, уку-укыту бүлеге җитәкчесе Тамара Романова җиткерде. Марат хәзрәт егетләргә, кызларга зур уңышлар теләп, белемнәрен үстереп туган районнарына кайтуларын теләде. Тантана барышында зур уңышларга ирешкән балаларның әти-әниләрен рәхмәт хатлары белән бүләкләү дә булды.