Казанның Апанай мәчетендә мәктәп яшендәге малайлар өчен мөселман лагере үзенең эшен башлап җибәрде. Ислам һәм әдәп-әхлак нигезләрен өйрәтүче лагерь кысаларында балаларга күңел ачу һәм мәдәни чаралар уздыру да каралган. Иске Татар бистәсе мәчетләренә, тарихи музейларга, зоопаркка бару һәм төрле танылган шәхесләр белән очрашулар көтелә. Шулай ук спорт уеннары да уздырылачак. Әлеге лагерь 13 июньгә кадәр дәвам итәчәк.
