Бөгелмәнең җәмигъ мәчетендә “Сәлам” мөселман балалар лагере ачылды. Беренче смена кыз балалар өчен каралган.12 көн дәвамында алар ислам нигезләрен, әдәб һәм гарәп графикасын үзләштерәчәк. Мөгаллимнәре вазыйфаларын Риза Фәхреддин исемендәге Әлмәт ислам мәдрәсәсе шәкертләре башкара. Лагерь программасында уеннар, викториналар, музейларга бару, кызыклы шәхесләр белән очрашулар һәм табигатькә чыгу да каралган. Әлеге сменада катнашучылар Рамазан ае буе оештырылачак ифтар ашларында катнашу мөмкинлегенә дә ия булчак, дип хәбәр итә Бөгелмә мәхтәсибәте.
