29 июньдә Хаҗилар мәчетендә 180 кешелек зур ифтар ашы үтте. Мул табынны алты бертуган Ибрагимовлар һәм аларның гаиләләре әзерләде. Ифтардан соң Буа шәһәре Бебель мәчете имамы Марсель хәзрәт Кәримов Рамазанның фазыйләтләре турында сөйләде. Аннан соң Төркиядән килгән Госман Нури Коръән укыды. Мәхәллә имамы Фәһим хәзрәт Сөләйманов бик үтемле итеп дога кылды. Килгән халык рәхмәтләр әйтеп үзләренең мәхәллә мәчетләренә тәравих намазына таралышты.
