Теләчедә эшкуарлар ифтар уздыра

8 июль көнне Теләче районының Олы Мишә бистәсе җирлегендә яшәп хезмәт күрсәтүче 3 фермер 70 кешегә ифтар мәҗлесе  оештырды. Гадәттәгечә, мәчеттә вәгазьләр тыңлап намазларны укыганнан соң, мәктәп ашханәсе диварларында ифтар үткәрелде.
9 июль көнне исә  чыгышы белән  Олы Мәтәскә авылыннан булган эшмәкәр Галим кызы Миләүшә үз хисабына әле яңа ганы салдырган мәчетендә, шулай ук Аллаһ ризалыгы өчен 40 кешегә ифтар мәҗлесе үткәрде.
Ошбу ике чарада да районыбызның имам мөхтәсибе Исмәгыйль хәзрәт Фәләхиев һәм районыбызга кунак буларак чакырылган Төркия җөмһуриятеннән килгән дин кардәшебез катнашты.