Җәй айларында авыл мәчетләре каршында балалар өчен мөселман лагерьларын оештыру күркәм гадәткә әйләнде. Бу уңайдан Тукай, Минзәлә мөхтәсибәтләрендә дә зур тырышлык куялар. 1 августтан Тукай районы мөхтәсибәтенең Малтабар, Теләнче Тамак, Калмаш мәхәлләләрендә, Минзәлә мөхтәсибәтенең Минзәлә һәм Иркәнәш мәхәлләләрендә көндезге лагерьлар эшли башлады. Минзәлә районында 42, Тукай районында 56 бала лагерларьга йөреп динебез турында белем ала, төрле кызыклы чараларда катнашалар, каникул көннәрен файдалы итеп үткәрәләр.
