Голәмәләр шурасы Коръәннең русча нөсхәсен әзерләүгә кереште

8 августта Казан шәһәренең Тынычлык мәчетендә Голәмәләр шурасы әгъзалары арасыннан оештырылган эшче төркемнең утырышы булды. Көн кадагында – Коръәннең рус телендәге нөсхәсен әзерләү мәсьәләсе һәм бу өлкәдә булган тәҗрибә белән танышу. Әлеге очрашуны оештыру идеясы белән Татарстан мөфтие Камил хәзрәт Сәмигуллин үзе чыкты. Аның карары белән эшче төркем каршында Коръәннең русча тәфсирен әзерләү бурычы куелды. Әлеге эшкә киләчәктә Россиянең билгеле дин һәм тел белгечләрен җәлеп итү планлаштырыла.