16 августта Югары Осланда мәчетендә оештырылган мөселман лагере ябылды. Биредә балалар Ислам нигезләрен өйрәнделәр, Коръән укыдылар.
Лагерь тәмамланганда Ислам буенча викторина, Изге китапны укучылар арасында конкурс үткәрелде. Шулай ук бу чарада спорт төрләре буенча да ярышлар оештырылды. Җиңүчеләргә бүләкләр тапшырылды, дип хәбәр итә район имам-мөхтәсибе.
