Татарстан хаҗилары корбан чалу гыйбадәтен утәде

Татарстан хаҗилары Зөлхиҗҗә аеның 9 нчы көнендә Гарәфә тавы үзәнендә өйләдән алып кояш батканчыга тикле догалар укып, теләкләр теләде. Кичә, 24 сентябрьдә, алар хаҗ сәфәренең шулай ук мөһим өлешләрен – Минәдә шайтанны ташлар белән кыйнау гыйбадәтен һәм корбан чалуны үтәде. Таш ату гыйбадәте ике көн дәвам итәчәк. Кайбер хаҗилар тәвәф кылуны (Кәгъбаны әйләнү) да башкарып өлгергән. Корбан бәйрәме уңаеннан ТР МДНнең дәгъват бүлеге җитәкчесе Нияз хәзрәт Сабиров хаҗиларга мөфти Камил хәзрәт Сәмигуллиның  тәбрикләү сүзләрен җиткерде һәм бәйрәм вәгазе сөйләде.