Алабуга шәһәренең мәдәният сараенда Корбан бәйрәме уңаеннан чара оештырдылар. Мәйданда балалар өчен төрле күңел ачу чаралары, укучыларның кул эшләреннән күргәзмә эшләде, милли көрәш буенча ярышлар оештырылды. Бәйрәм дәвамында Коръән ярышлары үтте. Җиңүчеләргә мөхтәсибәт исеменнән бүләкләр тапшырылды. Соңыннан бәйрәм уңаеннан әзерләгән пылау барлык мөселманнарны түгәрәк өстәл янына җыйды.
