2 октябрьдә Питрәч районы Шәли авылының “Гайнетдин” мәдрәсәсендә “Захир” һәм “Мәрзия” мәчетләренә йөрүчеләр өчен мәҗлес оештырылды. Чара Корбан бәйрәме уңаеннан үтте. Ике мәхәллә халкын бер урында җыю инициативасы белән “РАЦИН-ШАЛИ” оешмасы рәисе Айдар Гаянов чыкты. Әлеге күркәм мәҗлесне оештыруда ул һәр ел саллы өлеш кертә. Җыелыш милли традицияләрне яңартуда, бәйрәм рухын тудыруда һәм мөселманнарның үзара аралашуына яхшы сәбәп булды.
