"Ак мәчет" мәдрәсәсенең кичке бүлегендә укулар башланып китте. Әүвәлге очрашу мәдрәсәнең актлар залынды оештырылды. Җыелышны мәдрәсә директоры Рөстәм хәзрәт Шәйхевәлиев алып барды. Шәкертләргә "Ак мәчет" мәдрәсәсе тарихына багышланган: "Кичә-бүген-иртәгә", - дип аталган видеоязма тәкъдим ителде.
Гарәпчә укый белү мәдрсәгә керүнең шарты булып тора. Мәдрәсә мөгаллимнәре шәкертләр белән әңгәмә барышында, аларның гыйлем дәрәҗәләрен тикшерделәр. Гарәпчә укый белмәүчеләр өчен якшәмбе укуларында төркемнәр оештырылды.
Мәдрәсәдә гыйлем алу өчен бөтен шартлар тудырылган, дәресләрне югары дини һәм дөньяви гыйлемгә ия булган белгечләр алып бара.
