Кичә Кайбыч районы мөхтәсибәтендә чираттагы имамнар җыелышы үткәрелде. Имамнар мәчетләрдә якшәмбе дәресләрен уздыру, дини эшчәнлек алып баруга кагылышлы документлар хакында сөйләштеләр.
Татарстан мөселманнары Диния нәзарәте, Ислам мәдәниятенә, мәгарифенә һәм фәненә ярдәм итү фонды булышлыгында имамнарга смартфоннар бирелде. Имамнар заманча смартфоннарны кулланып, скайп, ватцап, электрон почталар белән эш итү, онлайн Коръән һәм Коръән тәфсирләре, “Хозур” нәшрият йорты эшләгән “Намаз вакытлары”, “Азан радиосы”, “Хәләл-гид”, “Гыйбадәте Исламия” кебек программалар белән таныштылар.
