Бу көннәрдә Татарстан мөфтие Камил хәзрәт Сәмигуллин Берләшкән Гарәп Әмирлекләренә эшлекле сәфәр кыла. Бүген, 15 ноябрьдә, ул Татарстан Республикасының Дубайдагы сәүдә-икътисади вәкиле Тимур Хәйретдинов белән очрашты.
Мөфти белән бергә Татарстан мөселманнары Диния нәзарәтенең халыкара мөнәсәбәтләр бүлеге җитәкчесе Хәйдәр хәзрәт Камалетдинов, Вакф милке белән идарә итү бүлеге җитәкчесе Рөстәм Хабибуллин да сәфәр кыла. Татарстан Диния нәзарәте вәкилләре гарәп илләренең вакф системасы белән таныша.
