Кайбыч мөхтәсибәте вәгазьчеләр бәйгесен оештыра

Кайбыч мөхтәсибәте Татарстан Җөмһүрияте мөселманнары Диния нәзарәте тарафыннан уздырыла торган "Яшь вәгазьче" конкурсның район төбәге бәйгесен уздыра.  Катнашу өчен 2015 елның 10 декабренә кадәр Кайбыч районы мөхтәсибәтенең электрон почтасына  (kaybickiy_muxtasibat@mail.ru) түбәндәге вәгазьләрне җибәрергә кирәк. Кайбыч мөхтәсибәтендә әлеге хезмәтләрнең эчтәлегенә карап, 1,2,3 урыннар билгеләнәчәк.  Кайбыч районы мөхтәсибәте электрон почтасына җибәрелгән хезмәтләр өчен барлык катнашучыларга да истәлекле бүләкләр бирү каралган.  1,2 урын алган хезмәтләр республикакүләм конкурста катнашу өчен Татарстан Диния нәзарәтенә җибәреләчәк.