26-27 ноябрьдә Түбән Камадагы “Ихлас” тернәкләнү үзәгендә “Тахфиз” мәркәзендә укучы мәктәп яшендәге балалар өчен “Намаз – җанның пакълыгы” бәйгесе узды. Конкурста барлыгы 97 бала катнашты. Мөгаллим һәм мөгаллимәләр алардан намазның нигезләренә, нечкәлекләренә бәйле төрле сораулар бирде. Күрсәткән гыйлем дәрәҗәләре үзләрен һәм остазларын сөендерде. Кайнар пылаудан авыз итеп, тәм-томнар белән чәйләр эчкәч куңелләр тагын да күтәрелде. Һәр катнашучыга истәлекле бүләкләр, ә беренче биш урынны алучыларга кыйммәтле бүләкләр тапшырылды.
