2 декабрьдә Азнакай районындагы Ак мәчеттә имамнар җыелышы булды. Әлеге чарада 24 имам һәм 16 абыстай катнашты.
Җыелышны Азнакай муниципаль районы башлыгы урынбасары Нәҗәт Нәгыймов ачып җибәрде. Ул имамнар белән авылларда булган проблемалар һәм аларны чишү юллары хакында сүз алып барды.
Имамнар һәм абыстайлар каршында шаҗәрәләр белгече, икътисад институты доценты Мирфаяз Солтанов та чыгыш ясады, ул шәҗәрәләрне төзү, кабер ташларын өйрәнү нидән башланып, ничек алып барылырга тиешлеген аңлатып китте.
Соңыннан абыстайлар һәм имамнар алдында мөхтәсибәтнең яшьләр һәм хатын-кызлар эшләре буенча җаваплы «Иман» үзәге мөслимәләре үз эшчәнлекләре хакында сөйләп узды һәм киләчәктә күмәкләшеп эшләргә, авылларда яшьләр катнашында иман кичәләре уздырырга килешенде. Иман кичәсенең беренчесе декабрь ахырында Буралы авылында узачак.
