Казыйлар Зирекле авылына вәгазь укырга килделәр

Имам-мөхтәсибләренең төрле район мәчетләрендә очрашулар уздыруы күркәм гадәткә кереп китте.  6 декабрь көнне Яңа Чишмә районы имам-мөхтәсибе Илгиз хәзрәт Әшрәпов чакыруы буенча Зирекле авылына вәгазь белән казыйлар - Аксубай районы имам-мөхтәсибе Равил хәзрәт Зөфәров һәм Әлмәт районы имам-мөхтәсибе Фәһим хәзрәт Әхмәтҗанов килделәр. Алар авыл халкы белән өйлә намазын укып, вәгазьләр сөйләп, сорауларга җавап бирделәр. Зирекле халкы кунакларны ошатты, аларга рәхмәтләрен җиткерде.