Бүген Татарстан мөфтие Камил хәзрәт Сәмигуллин Дагстан башкаласында үткәрелүче “Тынычлыкны һәм тотрыклылыкны саклауда ислам оешмаларының урыны” дип исемләнгән Төньяк Кавказ дини лидерларының II Конгрессында катнаша.
Чарада Төньяк Кавказ дини лидерлары, Кырым һәм Татарстан дини оешмалары, дини белем бирү оешмалары җитәкчеләре, Халыкара ислам миссиясе, дәүләт органнары һәм иҗтимагый оешма вәкилләре катнаша.
Конгресс барышында төбәктәге дини вазгыять, Төньяк Кавказ федераль округында тынычлыкны һәм тотрыклылыкны ныгыту, яшьләргә рухи-әхлакый тәрбия бирү һәм дәүләт-конфессия мөнәсәбәтләре юнәлешләрендә тәҗрибә уртаклашу күздә тотыла.
Чараны Вөҗдан иреге, дини оешмалар белән багланышлар комитеты һәм Дагыстан мөфтияте “2015 елда Дагыстан Республикасында терроризм идеологиясенә каршы тору комплекслы программасы” дигән дәүләт программасын тормышка ашыру максатыннан оештырды.
Иртән Камил хәзрәт Дагыстан мөфти Әхмәд хаҗи Абдулаев һәм яшь мөселманнар белән очрашты.
