“Хузур” нәшрият йорты фикһы буенча “Мохтасар әл-Кодури” китабының шәрхен бастырды

“Хузур” нәшрият йорты ислам динен хәнәфи мәзһәбе буенча тотучы мөселманнар өчен бик борынгы заманнардан бирле иң мөһимнәрдән һәм кирәклеләрдән саналган китапларның берсе Әбе-л- Хөсәен Әхмәд бине Бәкер Мөхәммәд бине Әхмәд Әл-Кодуриның “Мохтасар әл-Кодури” дип аталган хәзмәтенә һиндстанлы дин галиме Мөхәммәд гашыйк Илаһи әл-Барның шәрхен, ягъни аңлатмасын нәшер итте. Әлеге китап “Әт-Тәһсил әд-дарури ли мәсәил Әл-Кодури” (“әл-Кодури мәсьәләләрен тиешлечә җиңеләйтү” дигән исем астында басылды. Ул фикһы буенча сорау-җавап рәвешендә язылган дәреслек-белешмә формасында язылган.