Тәтеш мөхтәсибәте мәктәп яшендәге балалар өчен ислам нигезләре буенча викториналар үткәрде. Бәйгеләр районның Алабирде, Келәш һәм Олы Тархан авылларында оештырылды. Ошбу чаралар Коръән аятьләрен уку белән башланды, дин әһелләренең үтемле вәгазьләре һәм ислам диненә бәйле сорауларга җавап бирү белән дәвам итте. Барлык җиңүчеләр бүләкләр белән бүләкләнде, күмәкләшеп намаз укыды һәм чәй эчү мәҗлесендә катнашты.
