Татарстан мөфтие Түбән Кама муниципаль районы башлыгы урынбасары Эльвира Долотказина белән эшлекле очрашу үткәрде

Бүген Татарстан мөфтие Камил хәзрәт Сәмигуллин үзенең резиденциясендә Түбән Кама муниципаль районы башлыгы hәм Түбән Кама шәһәре мэры урынбасары Эльвира Долотказина белән эшлекле очрашу үткәрде. Ике яклы сөйләшү барышында алар дини вәзгыять турында фикер алышты. Аерым алганда, Эльвира Долотказина мөфтигә районда дини юнәлештә алып барылган эшчәнлек, җирле мөхтәсибәт белән хезмәттәлек турында сөйләде.