Бүген Татарстан мөфтие Камил хәзрәт Сәмигуллин Аксубай районына эшлекле сәфәр кыла.
Мөфти сәфәре кысаларында район башлыгы Камил Гыйлманов белән очрашып, җирлектә алып барылган дини эшләр белән танышты. Мөхтәсибәт эшчәнлегенә кагылышлы мәсьәләләр хакында сөйләште. Моннан тыш мөфти имам-мөхтәсиб Равил хәзрәт Зөфәров, урынбасары Рөстәм хәзрәт Хәйруллин белән бергә район имамнары белән очрашты. Шулай ук бүген Аксубайда уздырылган Мәүлид бәйрәмендә катнашты.
Камил хәзрәт әлеге дини бәйрәм чарасында Мәүлид белән котлады, үзенең нәсихәтләрен җиткерде. Мөселманнарны бер-берсенә игътибарлы булырга, яшьләрне радикал карашлардан, агымнардан сакларга чакырды һәм тирән дини гыйлем алырга өндәде. Пәйгамбәребез салләлаһү гәләйһи вә сәлләмнең гамәлләре, тормыш юлы һәр мөселманга үрнәк булуы хакында аңлатты.
Бүгенге көндә Аксубай раонында 28 мәчет эшләп килә.
